Life the Dog

曾經同張栢芝合演過《河東獅吼II》嘅內地男星小沈陽，喺大陸人氣幾犀利，微博粉絲人數已逾1100萬，平時小沈陽都有玩微博習慣，不過今午佢就失驚無神，喺微博分享咗一條名為同性不雅視頻，仲留言：「我剛在微盤發現了一個很不錯的文件，『大鳥阿力自射』.MPG，推薦你也來看看哦﹗」

哇﹗大班網民睇到呢個名，就立即下載睇下係乜嘢一回事，點知click入去睇，竟然係一男子自瀆視頻，小沈陽被指唔小心睇完後，疑似分享到微博。

網民當然準備好花生啦，仲紛紛留言開玩笑：「陽仔，長點心吧﹗」；亦有網民質疑小沈陽性取向，惹來出櫃疑雲；小沈陽疑似唔小心發咗呢條微博視頻後，瞬間有逾1500個轉發，條視頻要過咗40分鐘先「被刪除」，不過遺憾地，圖已截﹗

而據《中國娛樂報道》消息，記者搵到小沈陽助手回應，佢解釋：「小沈陽曾經用朋友的ipad登陸過自己微博帳號，可能是這個朋友分享的視頻。」

除咗小沈陽外，其實台灣型男蘇有朋都曾喺微博「被分享」同性不雅視頻，當時有朋方面表示，自己微博帳號被盜用，而蘇有朋亦曾回應過：「吃個飯也不省心，盜號盜到我頭上了，什麼呀？看樣子得換個難點的密碼了。」

http://hk.apple.nextmedia.com/enews/realtime/20140320/52303277